Rosendalsveko 2026: Klimatilpassing – frå kunnskap til handling

 

Rosendalsveko 2026 går av stabelen 3.– 4. august på Folgefonnsenteret i Rosendal. Sidan 2020 har Rosendalsveko samla forskarar, næringsliv, forvaltning og politikarar til ein unik møteplass for idémyldring om klima, naturmangfald, energi og berekraftig samfunnsutvikling.

 

Årets tema er «Klimatilpassing – frå kunnskap til handling», med særleg vekt på korleis klimaendringane påverkar natur, friluftsliv, fjord og fjell – og kva som skal til for å ta gode val for framtida. Over to dagar får du høyre faglege innlegg frå leiande forskarar og aktørar i næringslivet, og du møter politikarar i fleire aktuelle paneldebattar, mellom anna om naturforvaltning, framtidas havbruk, dyrevelferd, kraftbruk og prioriteringar for grøn omstilling.

 

Det blir òg tid til gode samtalar over lunsj på kaien, omvising på Folgefonnsenteret – og felles middag på Baroniet måndag kveld.

 

Velkomen til to inspirerande dagar i Rosendal, der kunnskap møter handling – og fjord møter fjell.

Vil du ha oppdateringar på program og annan info om Rosendalsveko?
Meld deg på nyhendebrev her

 

KJØP BILLETT

 

Overnatting:
Rosendal fjordhotell
Rosendal turisthotell

 

Programkomiteen: Kerim Hestnes Nisancioglu (UiB/Bjerknes), Jostein Bakke (UiB/Bjerknes), Charlotte G. Krafft (Energiomstilling Vest), Geir Lasse Taranger (HI),
Ingvard Havnen og Una Kolle (Folgefonnsenteret)